افغانستان د سویلي آسیا د باډي بلډنګ سیالیو اتل شو

د افغانستان ملي لوبډلې د سویلي آسیا د سیالیو په دولسم پړاؤ کښې چې د نیپال په کوربه توب ترسره شوې، شپږ د سرو زرو، دوه د سپینو او درې د برنزو میډلونه وګټل او داشان د دغو سیالیو اتل شو.

عبدالسمیع حیدري، صفت الله حفیظي، ګلا جان، احمد احمدي،احمد سکندر زاده او حمید الله خوشدل خپلو سیالانو ته په ماتې ورکولو سره د سرو زرو میډلونه ترلاسه کړل.  آصف سخي او حیدالله عظیمي هم په دغو مقابلو کښې د سپینو زرو میډلونه وګټل او هم داشان امام علي نبي زاده، قاسم حسیني او سلیم شاه انوري د برنزو میډلونه په خپل نوم کړل.

د افغانستان د باډي بلډنګ ملي لوبډله له دې مخکښې هم درې ځلې د جنوبي آسیا د باډي بلډنګ د سیالیو اتله پاتې شوې ده.

په دغو سیالیو کښې د هندوستان او نیپال ټیمونو دویم او دریم پوزیشن واخیسته.

ارزښت را در صفحات اجتماعی دنبال کنید !